A pasarela do barrio das Cruces de Monforte xa volve estar operativa

A actuación incluíu, unha revisión da infraestrutura, a dotación dun novo firme , a reparación das varandas, a eliminación do óxido e o pintado.

Zona peonil da pasarela/ Concello de Monforte

Os peóns xa poden circular novamente a través da pasarela que une o barrio das Cruces coa rúa Calvo Sotelo. Tal e como estaba previsto, as obras de mellora desta infraestrutura prolongáronse durante un mes.

As obras estiveron a cargo do ADIF e consistiron nunha detallada revisión da estrutura, na dotación dun novo firme, na reparación das varandas, na eliminación do óxido e no pintado das mesmas.

O seguinte paso a realizar dende o concello é o arranxo dos accesos á pasarela, unha actuación que se vai acometer no 2019. Con estas melloras quérese conseguir unha comunicación máis fácil entre o barrio das Cruces e a rúa Calvo Sotelo.

DEIXAR UN COMENTARIO

Please enter your comment!
Please enter your name here