Formación profesional no mundo do viño

En Galicia hai catro centros que imparten ensinanzas relacionadas co mundo do viño, o IES do Ribeiro (Ribadabia), o IES Ramón Cabanillas (Cambados), o CIFP da Granxa (Ponteareas) e o CPR Belarmino Fernández Iglesiasde (Sober).

Visita á aula laboratorio da Escola de Hostalería / Delegación Territorial

O novo ciclo superior en vitivinicultura, que se imparte na Escola de Hostalería Belarmino Fernández, ten unha duración de dous anos académicos (2000 horas) e impártese como ensinanza do réxime ordinario. Requiren este perfil profesional empresas dedicadas á produción de uva, á elaboración, crianza e envasado de viño e á elaboración de destilados de viño, concentración de mostos, vinagres e outros produtos derivados da uva e do viño.

Fórmase a perfís profesionais de técnico vitivinícola, técnico en análise sensorial, encargado de recepción de  mostos frescos e  sulfitados, supervisor de columnas de destilación e concentración, encargado da liña de envasado de destilados, concentrados e  vinagres e encargado de envellecemento e crianza de destilados e vinagres.

“Ten todo o sentido que unha das zonas produtoras de viño máis importantes de Galicia, como é a Ribeira Sacra, poda contar con formación específica e especializada, para formar a futuros profesionais que sigan apostando polo produción de vides e viño, para seguir creando caldos de excelente calidade“-sinalaba o Delegado territorial de Lugo, José Manuel Balseiro, na visita as instalacións.

A Fundación Belarmino Fernández Iglesias, con sede no Pazo de Ribas, Rosende (Sober), adícase á formación profesional nas actividades de hostalería e turismo. Na actualidade, ademais do novo ciclo superior en vitivinicultura (16 alumnos), impártese FP de grado medio en Cociña e Gastronomía (24 alumnos) e en Servizos en Restauración (18 alumnos).

DEIXAR UN COMENTARIO

Please enter your comment!
Please enter your name here