Iniciosociedade'Tapicheo' e punkis en Sarria

‘Tapicheo’ e punkis en Sarria

Ata o 9 de decembro desenvolverase o XII Concurso de Tapas e o sábado día 8 terá lugar o III Encontro de Punkis de Aldea.

Publicado o

- Advertisement -

O concello de Sarria organiza o seu popular “Tapicheo” aproveitando a ponte da Constitución e cunha máis que importante representación de establecementos hostaleiros participantes. Un total de 24 serán os locais que presenten a súa mellor creación gastronómica ao longo das cinco rutas creadas para o desenvolvemento deste certame. Un arco da vella de rutas, pois cada unha delas está representada por unha cor.

Na “Ruta Azul” temos ao Restaurante O Descanso, Dp Cristal, Cafetería El Parisien, Bar Rosyl e D’Orixen. Na “Ruta Verde” están o Tucán, Triskel, Don Pepe, Xarope e Cafetería Central. Tamén temos a “Ruta Amarela” coa Cafetería Next, Cafetería Santiago, Mesón Roberto, Alfonso IX e O Chanto; a “Ruta Laranxa” co Montecarlo, a Travesía dos Soños, o Casino e Camiño Francés. E como última ruta a “Ruta Vermella” na que atopamos a DPont, Adarve, A’ Oficina, 8mm e As de Picas.

Os participantes terán unha tarxeta de votación con 24 selos e aqueles que a completen entrarán nun sorteo dun bono agasallo para unha viaxe e tamén no resto de premios en xogo, case 20 relacionados con diferentes obsequios que poñen para a ocasión establecementos comerciais de Sarria. Os que non cheguen a selar nos 24 locais e alcancen os 15 selos xa poderán entrar tamén no sorteo dos agasallos indicados, agás na viaxe.

O horario das degustacións será entre as 20.00 e as 23.00 horas, mínimo e obrigatorio, pero quedando aberta a opción de que ofrezan as tapas tamén ao mediodía se así o desexan. Os prezos dos petiscos non son fixos, cada local establece o prezo e oscilan entre os 1,5 e os 2 euros.

Por outra banda, o sábado 8 terá lugar na vila o maior encontro de punkis de Galicia, “Punkis de Aldea”, organizado pola Asociación Buril ACDE, da que xa temos falado en Xornal de Lemos.

Baixo o lema “Tendendo pontes” e con 14 formacións artísticas convidadas, a festa estará asegurada dende as 13:00 ata a 1:00 h. da madrugada, 12 horas ininterrumpidas da mellor música punk do Estado.

Leo Arremecághona, padriño do “Punkis de Aldea”. Foto: Leo Arremecághona

Artistas convidados:Menestra de defensa (Guadalajara) Sartenazo Cerebral e Sin Emu (dende Asturies), Bastardos de Rivera (Vimianzo), Lenincat (Compostela), Innoppiah (Pontevedra), O sudor do tractorista (Sarria) e dende Vigo nada máis e nada menos que 6 formacións: Lamprea explosiva, Bakarra, Os Rosmons, Rabuda, Indar Galega e Contenedor de mierda. Como padriño do evento estará Leo Arremecaghona.

Haberá servizo de polbeira e o prezo da entrada máis albergue é de 15 euros.

ÚLTIMAS

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...

O IES Río Cabe no centro da cultura financieira

Durante a xornada contouse coa visita da directora xeral de Ordenación e Innovación educativa,...