IniciosociedadeMúsica, solidariedade e xoguetes o 16 de decembro en Monforte

Música, solidariedade e xoguetes o 16 de decembro en Monforte

O concello de Monforte coa colaboración dos centros educativos, das ANPAS, do grupo Gin Toni´s e da Cruz Vermella organiza unha xornada benéfica con concerto e posterior reparto de agasallos entre os nenos das familias que máis o precisan

Publicado o

- Advertisement -

A Explanada da Compañía acolle o 16 de decembro unha xornada benéfica para a recollida de xoguetes na que todas as actividades serán de balde. Ás 16.30 comezarán a funcionar as atraccións para nenos, entre as 17.00 e as 18.00 haberá un animador infantil e desde as 18.00 e ata as 20.30 actuará o grupo Gin Toni´s.

Instalarase unha carpa na Explanada da Compañía por se ese día fixera mal tempo e colocaranse unhas jaimas nas que a xente poderá depositar os xoguetes. Desde o concello pretende ofrecerse unha tarde de lecer para cativos e mozos e todos os que se acheguen á cidade, “a cambio, o que pedimos desde o Concello é que a xente que queira, entregue xoguetes novos, preferiblemente, que sexan de carácter educativo, non sexistas nin bélicos, e para diferentes idades”, explica o alcalde, José Tomé.

O evento tamén pretende sensibilizar á cidadanía na existencia doutras realidades e fomentar a solidariedade. O obxectivo é que ningún neno se quede sen xoguetes nestas datas de Nadal.

José Tomé sinalou “desde o Concello de Monforte queremos recomendar a adquisición dos xoguetes nos comercios da nosa cidade porque deste xeito, tamén estamos contribuíndo a apoiar ós comerciantes da nosa localidade”.

Desde o Concello anímase á veciñanza a participar aportando xoguetes e lémbrase que o pasado 2 de novembro, durante a recollida de alimentos, Monforte demostrou ser unha cidade solidaria. “Pido que continuemos nesa senda para que nestas datas tan especiais, poñamos todos o noso grao de area para que todos os nenos teñan un sorriso e poidan gozar dun xoguete novo”, concluía o rexedor local.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...