O Presidente do Consello Regulador da D.O. Ribeira Sacra, José Manuel Rodríguez, participa durante este mércores e mañá en varios actos promocionais en Fitur, onde se fai unha presentación sobre a recente declaración de BIC da paisaxe cultural da Ribeira Sacra. José Manuel Rodríguez tamén participará a partir das 15.00 na presentación da 12 edición da guía turístico-gastronómica da provincia de Lugo “… E para comer, Lugo”. A guía e o acto de Fitur pretenden impulsar e promocionar todos os produtos con denominación de orixe que se elaboran na provincia, entre os que están os viños da D.O. Ribeira Sacra.

O día 24 ás 10.30 no pavillón da Axencia Turismo de Galicia, o Presidente da D.O. participará na presentación do programa de actividades que fará o Consorcio de Turismo da Ribeira Sacra, no que destaca a presentación dunha nova aplicación turística de realidade aumentada. En relación co sector do viño presentarase o proxecto enoturístico “Paseando entre viñedos” e faranse catas das cinco D.O. galegas destinadas tanto a profesionais como a público non especializado.

Xa o luns 28 os viños da D.O. Ribeira Sacra volverán ser protagonistas en Madrid para a celebración do Congreso Internacional do Viño Enofusión que se celebra no marco do cume gastronómico Madrid Fusión. O 30 de xaneiro a partir das 12.00 levarase a cabo a cata “El sabor de un paisaje”, na que participarán estas 7 referencias da Denominación:

• “Peza do Rei” Blanco Summum 2018 de Adega Cachín
• “Finca Cuarta por Rubén Moure” Godello Barrica 2017 de Rubén Moure Fernández
• “Abadía da Cova” Mencia 2017 de Adegas Moure
• “P Ponte da Boga” Mencia 2017 de Adega Ponte da Boga
• “Sanmamed” Mencia 2017 de Rosa María Pumar Rodríguez
• “Lalama” Mencía Barrica 2015 de Dominio do Bibei
• “Rectoral de Amandi” Mencia Barrica 2014 de Bodegas Rectoral de Amandi