O Goberno da Deputación aprobou en Xunta de Goberno destinar un máximo de 263.000 euros á mellora destas vías, dúas eixos fundamentais para as comunicacións dos veciños da comarca.
A LU-P-5602, que atravesa as parroquias de Calvor, Aguiada e San Mamede do Camiño, é empregada acotío por uns 300 veciños da zona, así como por peregrinos pois atópase ao pé do Camiño Francés. As obras, que se executarán nun treito de 2 quilómetros, dende o punto quilométrico 15,5 ata o 17,5, engádense as xa executadas con 173.000 euros entre os puntos 11,8 e 15,4.
A LU-P-5702,comunica os Concellos de Sarria e Samos conectando con máis de 5 núcleos nos que viven unhas outras 300 persoas. Estas son: O Mato, Santo Estevo, San Vicente de Froián, Suñide e Teibilide. Os traballos executaranse nos 2,6 quilómetros que constitúen a parte provincial desta vía, dende o punto quilométrico 0 ao 2,6.
Os traballos consistirán nas mellora do firme con aglomerado en quente, limpeza de cunetas, e o incremento da seguridade vial coa renovación da sinalización vertical e o repintado da horizontal.