Distintivo ao mérito turístico dos Camiños de Santiago para a Deputación de Lugo

A Gran Placa ao Mérito Turístico recolleuna a Deputada de Cultura, Pilar García Porto, nun acto celebrado en Xantar

Entrega do distintivo / Deputación Provincial

A Orden del Camino de Santiago, formada por máis de 1.200 Cabaleiros e Damas escollidos entre personalidades do eido cultural, político, social, empresarial… entregou a súa condecoración á Deputación de Lugo pola importancia territorial e influencia que a provincia aporta aos Camiños de Santiago.

A provincia de Lugo conta con máis de 800 km de itinerarios xacobeos que discorren por 30 dos seus 67 concellos. Practicamente, a metade do territorio lucense está atravesado por algunha das 4 rutas xacobeas recoñecidas oficialmente -Camiños do Norte, Primitivo, Francés e de Inverno-, ademais da do Mar, investigada e documentada. Os camiños xacobeos constitúen un importante impulso económico e cultural para esta provincia..

Para acadar maior dinamización das rutas xacobeas, no 2016 a Deputación constituíu, a primeira Mesa Provincial dos Camiños de Santiago facéndoa participativa e multidisciplinar; vén de promover un FAMTRIP polo Camiño do Norte, no que participaron 16 axentes e xornalistas especializados en viaxes para coñecer os atractivos naturais, históricos-culturais e gastronómicos desta ruta xacobea. Do 10 ao 12 de febreiro, a Deputación participará en Compostela cun stand propio no importante encontro internacional FAIRWAY, o III Forum do Camiño de Santiago.

DEIXAR UN COMENTARIO

Please enter your comment!
Please enter your name here