IniciosociedadeA Xunta Local de Seguridade de Chantada prepara o operativo para a...

A Xunta Local de Seguridade de Chantada prepara o operativo para a Feira do Viño

No encontro tamén se analizou a situación da seguridade cidadá no municipio, diminuiron a delincuencia e os delictos graves

Publicado o

- Advertisement -

A subdelegada do Goberno, Isabel Rodríguez, e o alcalde de Chantada, Manuel Lorenzo Varela, copresidiron a Xunta Local de Seguridade, convocada para tratar do operativo que se porá en marcha con motivo da celebración, a segunda fin de semana de marzo, da 37 Feira do Viño.

A cita desenvolverase na carpa situada a carón da Praza de Galicia, contando coa participación de 16 adegas. A previsión é que haxa moita asistencia de público cos seus vehículos e faise necesaria a coordinación, por iso da cita participaron, tamén, representantes da Garda Civil e o Subsector de Tráfico, da Policía Autonómica e da Policía Local.

A Xunta Local de Seguridade tamén analizou a situación da seguridade cidadá no municipio de Chantada. Segundo os datos oficiais da Garda Civil, no ano 2018 en Chantada diminuiu un 3,29% a delincuencia, que pasou das 152 infraccións penais denunciadas no ano 2017 a 147 no exercizo de 2018. Diminuiron en case un 13%, os delictos graves e menos graves, contabililizando 61.

O grao de esclarecemento dos delictos de maior consideración, foi do 73,77%, resolvéndose 45 dos 61 delictos coñecidos. Ademais, a Garda Civil detivo no 2018 a 20 persoas pola súa presunta implicación en feitos constitutivos de delictos.

Por outra banda, dentro do Plan Director para a Convivencia e mellora da seguridade escolar nos Centros educativos, desenvolveranse neste ano 8 charlas e 1 exhibición de medios, que terán lugar no IES Val do Asma e o CEIP Xoan do Requeixo.

 

 

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...