Debate sobre Ribeira Sacra BIC e sobre a candidatura a Patrimonio da Humanidade

En Marea no sur de Lugo organiza este debate que terá lugar o 11 de abril ás 20.00 h. no Centro do Viño da Ribeira Sacra.

Canóns do Sil/XdL

O acto enmárcase nunha serie de debates promovidos por En Marea que levan por nome “Debates dende a comunidade” e no que se tratan temas que consideran de interese para a cidadanía das comarcas do sur de Lugo e sobre os que, din, falta debate social.

Da cita desde xoves participará o arqueólogo e investigador da Pobra do Brollón, Xurxo M. Ayán Vila, que trasladará a súa visión sobre este proceso. Posteriormente celebrarase un coloquio para recoller as impresións e reivindicacións da cidadanía de Lemos sobre a candidatura da Ribeira Sacra a Patrimonio da Humanidade.

Lembran desde En Marea que, ao respecto deste tema, teñen reivindicado a necesidade de incluír elementos patrimoniais que non figuran no expediente, así como un plan de conservación e divulgación do Patrimonio inmaterial ou plan de desenvolvemento socioeconómico con investimentos, coordinado por todas as Administracións implicadas e participado pola cidadanía.

Cartel / En Marea

DEIXAR UN COMENTARIO

Please enter your comment!
Please enter your name here