C@urel Vivo quere prazas habilitadas para a aterraxe de helicópteros

A formación política presenta unha moción no concello de Folgoso do Courel para facer inventario de coordenadas e prazas habilitadas para aterraxe de helicópteros do 112, despois de ver os problemas que ten habido neste territorio para esta manobra.

Helicóptero / C@urel Vivo

A iniciativa de C@urel Vivo débese á falta de protocolos e coordinación para este tipo de aterraxes que poderían salvar vidas. C@urel Vivo propón preparar, polo menos, 9 zonas, unha por parroquia,  para que poida aterrar o helicóptero.

Suxiren que se poden utilizar pastizais, prados, cruces de estradas,… Os requirimentos técnicos serían de alomenos 13x13m de superficie e non máis de 7% de pendente.

Desde C@urel Vivo apuntan, que estas zonas correctamente xeolocalizadas e compartindo as coordenadas co 112 e ambulancias locais,  GES… Serían un paso máis pola seguridade dos veciños do concello

Na moción piden que desde o Concello  se localicen e limpen os accesos a estes lugares e que se lle dea traslado das coordenadas ó 112, GES e ambulancias da zona.

DEIXAR UN COMENTARIO

Please enter your comment!
Please enter your name here