Detido en Chantada o presunto autor dun delito continuado de furto

O detido accedeu a tres establecementos de hostalería da localidade lucense de Chantada furtando un total de 2.200 euros, un teléfono móbil e diversa documentación.

CCA Chantada / Mónica Cerqueira

A Garda Civil detén na localidade de Chantada a un veciño chantadino de 44 anos de idade como suposto autor dun delito continuado de furto. O presunto autor, que coñecía perfectamente os diferentes establecementos nos que cometeu os seus feitos delituosos, debido ao seu traballo ata hai poucas semanas como repartidor.

Accedía ao interior da barra, cociña ou ao almacén destes, aproveitando o descoido, a ausencia momentánea ou a ocupación dos responsables ou camareiros e dirixíase directamente ao lugar onde estes gardaban o diñeiro para pagar aos diferentes provedores e levábase o seu botín en escasos segundos e sen revolver nada nin orixinar ningún tipo de dano. A persoa detida foi posta a disposición xudicial.

DEIXAR UN COMENTARIO

Please enter your comment!
Please enter your name here