Segundo informou o 112 Galicia, os bombeiros da localidade utilizaron o material de excarceración para liberalo, tras quedar atrapado no interior do vehículo. Debido á gravidade do accidente, sinalaron as mesmas fontes, Urxencias Sanitarias de Galicia-061 mobilizou un helicóptero medicalizado para atender ao ferido.
O sinistro produciuse no punto quilométrico 24 da CG-2.2, en sentido a Monforte, sobre as 20,30 horas. Nese momento, varias persoas contactaron co 112 Galicia para avisar do accidente.
A partir da alerta, por parte do CIAE 112 Galicia pasouse o aviso aos servizos sanitarios, aos Bombeiros de Sarria, á Garda Civil de Tráfico, á Policía Local, a Protección Civil e ao servizo de mantemento da estrada, que se encargou de limpar a vía ao producirse un pequeno vertido de combustible procedente do depósito do camión.