Evacuado tras unha caída no seu domicilio de Monforte cando tiña a comida ao lume

Un home duns 63 anos de idade foi evacuado este venres despois de sufrir unha caída na súa casa en Monforte de Lemos cando tiña comida ao lume..

Hospital de Monforte. Foto cedida.

Segundo informou o 112 Galicia, o home deixara a comida ao lume e non se podía levantar na súa vivenda situada na rúa das Flores, sobre as 2,15 horas deste venres. Persoal de Urxencias Sanitarias de Galicia-061 alertou dos feitos ao 112, tras o que o CIAE puxo a situación en coñecemento da Policía Local, dos Bombeiros de Monforte, da Policía Local e de Protección Civil.

Segundo os datos facilitados ao 112 Galicia, ardeu unha tixola ao lume e o home, aínda que non presentaba síntomas por inhalación de fume, foi trasladado pola caída que sufrira.

O 061 enviou unha ambulancia de soporte vital básico que levou ao home, E.S., de 63 anos de idade, ao Hospital de Monforte, confirmaron a Europa Press fontes sanitarias.

DEIXAR UN COMENTARIO

Please enter your comment!
Please enter your name here