Piden 7 anos de cárcere para a nai e os seus dous fillos por vender droga nun bar de Monforte

O ministerio fiscal solicita 21 anos de cárcere -sete para cada un deles- para unha nai e os seus dous fillos por vender droga no bar que rexentaba a familia en Monforte de Lemos.

Monforte de Lemos / XdL

A Policía Nacional interceptara a varios supostos compradores de cocaína, nun dispositivo de vixilancia que puxo en marcha ante a sospeita de que no local estaba a venderse droga.

O 14 de novembro de 2017 o Xulgado de Instrución número 2 de Monforte autorizou o rexistro do establecemento e dos domicilios dos sospeitosos. Neses rexistros, os axentes encargados do caso interviñeron diversas cantidades de droga, así como 11.540 euros.

O fiscal considera estes feitos un delito contra a saúde pública e pide sete anos de cárcere para cada un dos acusados, así como unha multa de 1.000 euros. O xuízo celebrarase esta semana, entre os días 1 e 2 de novembro, na Audiencia Provincial de Lugo.

DEIXAR UN COMENTARIO

Please enter your comment!
Please enter your name here