Prisión provisional sen fianza para o detido por agresión sexual a unha menor en Monforte

O Xulgado de Garda de Monforte acaba de ditaminar prisión provisional e sen fianza para o presunto agresor sexual dunha menor con discapacidade que residía na localidade.

Xulgado de Monforte/G.M.

O home, duns 40 anos, foi detido en Monforte de Lemos como suposto autor dun delito continuado de abusos sexuais a unha menor de 16 anos con discapacidade, filla da súa parella, segundo informaron fontes policiais.

A Policía Nacional informou de que o arresto tivo lugar na madrugada do martes 28, despois de que recibiran unha chamada alertando dunha persoa con actitude agresiva nun domicilio da cidade do Cabe. O home foi detido no domicilio, despois de que a avoa da menor informase de comportamentos desaxeitados do detido coa menor. A avoa relatou aos axentes que o home se encerrou nunha habitación coa neta e que, ao saír, levaba os pantalóns “medio baixados”.

Este é o segundo caso de similares características que se produce en Monforte no mes de agosto.

DEIXAR UN COMENTARIO

Please enter your comment!
Please enter your name here