Un ferido en Quiroga e un falecido no Incio

Un lume nun alpendre dunha vivenda de San Vitoiro en Quiroga saldouse este mércores cun ferido e cuantiosos danos materiais, mentres que outro home falecía neste mesmo día despois de sufrir un accidente de tractor nunha leira da súa propiedade, situada no municipio lucense do Incio

Operarios sofocando o lume de San Vitorio. Fonte: Concello de Quiroga

O incendio de San Vitorio no Concello de Quiroga declarouse onte mércores sobre as tres da tarde por mor, seica, dunhas cinzas mal apagadas que prenderon na leña amoreada nun alpendre. Foi unha veciña a que deu a voz de alarma, xa que a propietaria, unha octoxenaria, estaba dentro da vivenda e non se decatara.

O sinistro mortal do veciño do Incio tivo lugar ás 16:30 horas no lugar de Airexe. Máis detalles dos sucesos no Galicia Confidencial.

DEIXAR UN COMENTARIO

Please enter your comment!
Please enter your name here