14.000 turistas en Monforte

O Museo de Ferrocarril rexistrou no que vai de ano tantas visitas como no conxunto do 2017

Mesa de control antiga/Xunta de Galicia

O Museo do Ferrocarril de Monforte (Muferga) cada día está a adquirir maior notoriedade en canto a turismo, tanto nacional como internacional.

Balseiro, delegado da Xunta de Lugo e actual presidente do Padroado do Ferrocarril resalta que “no que levamos de ano, con 14.000 visitas, xa se superou a cifra record acadada no conxunto do ano pasado. Entre as últimas, atópanse alemáns e australianos”.

Dentro do emprazamento deste museo, único en España, xa están rematadas as obras de adaptación e reforma de ampliación de superficie do museo, aproveitando os espazos en desuso dunha nave contigua. Este novo espazo do Muferga alberga a última mesa de control de tráfico de Galicia, que funcionou en Ourense ata a entrada do sistema dixital actual. Tamén se incorporou unha recreación dunha antiga escola ferroviaria, a recreación dun gabinete de circulación ferroviaria, unha sala que acolle unha ampla colección de reloxos ferroviarios e un conxunto expositivo temporal de pintura baixo o título “RailArte Muferga” con distintas reproducións da colección de Luis Díaz Guerra.

Sala de exposición de pintura en Muferga/Xunta de Galicia

Como xa anunciou o XdL o 16 e 17 de xuño, todos os que decidan visitar o Museo do Ferrocarril gozarán dunha xornada de lecer arredor do ferrocarril e da feira que se celebrará en torno a el.

 

DEIXAR UN COMENTARIO

Please enter your comment!
Please enter your name here