InicioPolíticaUnanimidade na Cámara para reclamar melloras na estrada N-120 entre Monforte e...

Unanimidade na Cámara para reclamar melloras na estrada N-120 entre Monforte e Ourense

A oposición critica que o PP realice "demandas de cuestións que non fixeron mentres gobernaban".

Publicado o

- Advertisement -

Todos os grupos con presenza no Parlamento de Galicia apoiaron unha iniciativa do PPdeG que reclama melloras de seguridade na estrada N-120 no tramo que transcorre entre Monforte e Ourense para dotala de carrís adicionais que eliminen os riscos que actualmente se dan na vía.

A proposición contou co apoio de todos os grupos con excepción do mixto, que non participou na Comisión 2ª na que se debateu a iniciativa sobre unha infraestrutura que foi definida como “vital” para o sur da provincia de Lugo e o norte de Ourense por parte da deputada popular Julia Rodríguez Barreira.

Na súa intervención, a parlamentaria do PPdeG lembrou que existe “un grave risco” para os condutores que transitan por esta estrada debido aos posibles desprendementos de rocas das ladeiras que delimitan a vía.

Para iso, a iniciativa aprobada polo Parlamento reclama ao Ministerio de Fomento que leve a cabo actuacións para eliminar estas regas e proceda á “consolidación definitiva” das ladeiras das zonas polas que transcorre a N-120.

Así mesmo, Julia Rodríguez tamén aproveitou a súa intervención para criticar que o proxecto da autovía que conectaría o sur de Lugo con Ourense “permaneza nun caixón”, situación da que culpou ao Goberno do Estado presidido polo socialista Pedro Sánchez.

Na súa quenda de intervención, Luís Álvarez (PSdeG) replicou que o Grupo Popular “non dicía nada cando o grao de execución dos orzamentos en infraestruturas” para Galicia “non chegaba ao 40%” durante o goberno de Mariano Rajoy.

Para Marcos Cal (Común da Esquerda), a situación que atravesa a N-120 é o reflexo de “anos de abandono absoluto da rede de estradas estatais” en Galicia. “Non é de onte nin de hoxe”, aseverou, antes de afear ao PP que realice “demandas de cuestións que non fixeron mentres gobernaban”.

O deputado do BNG Luís Bará, tamén se detivo nos “incumprimentos” con Galicia en materia de infraestruturas durante a etapa do PP na Moncloa, á vez que avanzou que o seu deputado nas Cortes tratará de arrincar compromisos ao Goberno para a mellora da rede viaria galega nas negociacións dos orzamentos do Estado.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...