O Concello de Monforte levou a cabo unha mellora na iluminación pública na Praza da Estación, como continuación á levada a cabo nas rúas Calvo Sotelo e Coruña. A brigada municipal de servizos procedeu á substitución das vellas luminarias de sodio, de alto gasto enerxético, por luminarias de aloxenuro metálico de 70 W.

Tamén se mellorou a iluminación no barrio Val de Lemos ao cambiar de 28 luminarias de sodio (luz amarela) por outras tantas de aloxenuro metálico (luz branca) de 150 W. Deste xeito, conseguiuse unha mellor iluminación á vez que se reduce o gasto enerxético.

Nesta semana instaláron novas marquesiñas de madeira na Residencia Xeriátrica do Morín e no Colexio Novo. As primeiras respostan á demanda de moitas persoas que habitualmente visitan ós seus familiares en dito centro xeriátrico e que non contaban cunha infraestrutura axeitada para esperar ó autobús e poder gorecerse así do sol ou da choiva. Algo similar acontecía no caso do Colexio Novo, onde os alumnos non podían gorecerse con garantías mentres esperan o autobús escolar.