Alumnado de 4º ESO de Monforte grava un telexornal canda o presidente da Deputación

Estudantes do CPR Ferroviaria de Monforte visitaron as instalacións dos Servizos Audiovisuais de Lugo.

O presidente da Deputación, José Tomé, acompañou o alumnado de 4º ESO do CPR Ferroviaria de Monforte durante a visita aos Servizos Audiovisuais | EP

Alumnas e alumnos de 4º da ESO do CPR Ferroviaria de Monforte puideron experimentar a gravación dun telexornal canda o presidente da Deputación, José Tomé. O informativo, bautizado como ‘Ticodiario’, incluíu noticias sobre a candidatura da Ribeira Sacra a Patrimonio da Humanidade da Unesco ou sobre o Club de Ximnasia Rítmica Quicela de Monforte.

José Tomé estivo coas estudantes monfortinas durante a súa visita ás instalacións dos Servizos Audiovisuais provincial. Alí, realizaron un percorrido polos distintos departamentos: desde o arquivo e redacción ata as salas de edición, sen esquecer as mesas de realización e son e os estudos.

Nestas instalacións puideron coñecer de man dos profesionais como funciona cada sección e o traballo en equipo necesario nun medio audiovisual. Alí tamén recibiron información sobre dous ciclos superiores de Realización e Produción impartidos no centro.

DEIXAR UN COMENTARIO

Please enter your comment!
Please enter your name here