Declaradas de emerxencia as obras para reparar os desprendementos na rúa Doutor Fleming (Monforte)

O muro de defensa a carón do regueiro das Malloadas derrubouse a mediados do mes de decembro.

Desprendementos Doutor Fleming / Concello de Monforte

O Consello de Ministros deste martes, a proposta do Ministerio para a Transición Ecolóxica e o Reto Demográfico, tomou razón da declaración de emerxencia para as obras de reparación do muro de defensa da marxe dereita do regueiro das Malloadas, ao seu paso por Monforte de Lemos. O importe total de dita operación será de 60.000 euros.

Segundo informou o Goberno, o regueiro das Malloadas, afluente do río Cabe pola súa marxe esquerda, atravesa no seu tramo final a localidade de Monforte de Lemos, polo que conta con varios muros de defensa ao seu paso polo medio urbano.

Un destes muros derrubouse o pasado 11 de decembro por mor dunha borrasca e como resultado da acción erosiva do caudal do regueiro. En concreto, trátase do que está situado na marxe dereita do leito, á altura da ponte dos Picos (Monforte de Lemos).

Por iso, o presidente da Confederación Hidrográfica Miño-Sil autorizou, mediante unha resolución o 18 de decembro, a execución das obras de emerxencia para a reparación do muro. As actuacións repararán un tramo duns 20 metros de lonxitude e 2,50 metros de altura, situado á altura da rúa doutor Fleming. Ademais, repoñerase a calzada adxacente, así como varios servizos, que tamén se erosionaron pola acción da auga.

DEIXAR UN COMENTARIO

Please enter your comment!
Please enter your name here