O BNG leva ao Parlamento unha iniciativa para a mellora dos servizos ferroviarios na comarca de Lemos

"O ferrocarril foi parte da vila de Monforte, un motor social moi importante desde a súa chegada a finais do século XIX” manifestou a vice-voceira do BNG, Olalla Rodil

Tren na estación de Monforte de Lemos/Youtube.com

O BNG presentou unha iniciativa no Parlamento Galego para coñecer cales son as actuacións da Xunta en relación ao proceso de desmantelamento dos servizos ferroviarios, os recortes de persoal e a falta de mantemento das infraestruturas ferroviarias por parte de RENFE e ADIF. Actuacións estas que afectan nas últimas décadas ao desenvolvemento social e económico da comarca de Lemos.

Olalla Rodil xunto con outros responsables do BNG diante da Estación de Monforte. Fonte: BNG Sul.

A vice-voceira do BNG, Olalla Rodil, referiuse entre outras cousas, ás denuncias feitas dende a Plataforma en defensa do ferrocarril público na comarca de Lemos “trasladamos unha serie de preguntas ao goberno galego despois de ser convidados á presentación desta Plataforma e facemos tamén nosas as súas reivindicacións”.

Lembrou tamén que “o ferrocarril foi parte da vila de Monforte, un motor social moi importante desde a súa chegada a finais do século XIX” e sinalou que “a realidade que atinxe a comarca de Lemos non é exclusiva senón que se repite e moitas localidades e comarcas do país, especialmente na provincia de Lugo.

 

 

DEIXAR UN COMENTARIO

Please enter your comment!
Please enter your name here