InicioTerra de LemosPantónSuspendida a concentración de protesta do día 9 en Pantón

Suspendida a concentración de protesta do día 9 en Pantón

O BNG local subscribe a decisión da veciñanza de desconvocar a concentración do día 9 na Praza do Concello ante o anuncio de xuntanza do alcalde co conselleiro de sanidade co obxectivo de pechar en firme a cobertura do terceiro médico de familia.

Publicado o

POR
Redacción
- Advertisement -

O BNG de Pantón, despois de avaliar as accións da alcaldía para mover ficha no tema da cobertura do terceiro médico, subscribe a suspensión da protesta convocada para este xoves 9 de decembro e pide á Alcaldía que teña maior consideración coa oposición neste tema.

Neste senso, os nacionalistas de Pantón manifestan que “ante a situación actual coa cobertura de maneira provisional e precaria do terceiro médico por dez días, e tras valorar a xuntanza do alcalde co conselleiro de Sanidade o vindeiro venres, cremos que procede esperarmos a saber cales son os resultados desta. Así mesmo lembrámoslle ao goberno municipal de Pantón, en especial ao alcalde de Pantón, que teña en conta á oposición e proceda a actuar como representante de todos os veciños e veciñas contando co noso grupo que dende o principio pretende a solución deste problema“.

“Non pode seguir respondendo aos convites de diálogo e colaboración do BNG con descualificacións e silencios admininstrativos” lamenta a voceira municipal Rosana Prieto.

Esperando que os resultados da reunión do alcalde co Conselleiro de Sanidade o vindeiro venres sexan os desexados pola veciñanza, os nacionalistas pedirán que “se dea conta de maneira veraz dos acordos acadados e das xestións feitas pola equipa de goberno a este respecto”.

ÚLTIMAS

Afra Blanco: “A Feira do Viño de Quiroga é a primeira festa de Galicia que eu descubrín”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...