Pantón celebrou un vistoso e concorrido desfile de entroido

Foi este pasado sábado 5 de marzo e nel poidéronse ver carrozas e comparsas moi divertidas, algunhas delas que xa pasaron por desfiles como os de Quiroga, Ribas de Sil e Monforte.

'A Raíña de Inglaterra' tamén triunfou en Pantón. Foto: Concello de Pantón.

O Concello de Pantón, como xa é habitual estes últimos anos, deixa o seu desfile para o sábado seguinte ao fin das datas propias do entroido que rematan co mércores de cinsa e o enterro da sardiña.

A estratexia é boa pois cada ano vai a máis. Algún dos presentes este sábado, chegados de Monforte, dicían que este desfile está moi ben e no caso deste ano “case non tiña nada que envexar ao de Monforte”. Bastantes comparsas e carrozas desfilaron por Ferreira ata rematar na Praza do Concello onde se esperou ao veredicto para coñecer os premiados e premiadas mentres amenizaba o ambiente a música dunha charanga e unha batukada.

Ambiente na Praza do Concello. Foto: Concello de Pantón.

OS PREMIOS

Comparsas de Adultos de 10 ou máis compoñentes

1º premio: A chegada da Raíña de Inglaterra.

2º premio: Volver a Volar.

3º premio: Non hai fronteira no espazo.

Volver a volar / XdL
Volver a volar. Foto: C. Rueda.
Non hai fronteira no Espazo / XdL

Comparsas de Adultos entre 5 e 9 compoñentes

1º premio: A festa de Boris Johnson.

2º premio: Superpiluqueiros.

3º premio: quedou deserto.

Comparsas de Adultos entre 1 e 4 compoñentes

1º premio: Carrusel.

2º premio: El Dr. Coronavirus y su vacuna.

3º premio: A Pitufina.

Dr. Coronavirus y su vacuna / XdL

Comparsas Infantís de 10 ou máis compoñentes

1º premio: Os panadeiros de Escairón botan fariña a mogollón.

2º premio: Os Playmóbil do Colexio Novo.

3º premio: As patacas da Gándara.

Os Panadeiros de Escairón. Foto: Carlos Rueda.
Os Playmóbil do Colexio Novo / XdL

Comparsas de Infantís entre 5 e 9 compoñentes (Deserto na totalidade)

Comparsas de Infantís entre 1 e 4 compoñentes

1º premio: ETÉ.

2º e 3º premio quedaron desertos.

Orixinal disfraz de cego dun veciño de Pantón / XdL
Un Polbo moi orixinal. Foto: Carlos Rueda.
Unha Diaña en Ferreira. Foto: Carlos Rueda.

DEIXAR UN COMENTARIO

Please enter your comment!
Please enter your name here