Unha das persoas implicadas no accidente rexistrado en Pobra do Brollón na tarde do sábado faleceu tras o sinistro, que custou a vida a outro dos ocupantes dos dous vehículos que chocaron á altura de Abrence cando circulaban pola estrada N-120.
Diso informou á primeira hora deste domingo o CIAE 112 Galicia, que na noite do sábado notificara o falecemento dunha persoa e o traslado ao hospital doutro tres, que tiveron que ser excarceradas do interior dos seus vehículos, onde quedaron atrapadas.
Finalmente, dúas persoas perderon a vida neste sinistro rexistrado ao fío das 19,00 horas, cando dous coches impactaron frontalmente ao seu paso polo lugar de Abrence.
O tráfico na zona quedou interrompido momentaneamente e foi restablecido unha vez foi terminaron as súas tarefas os servizos de emerxencia desprazados ao lugar.