O Hospital de Monforte quédase sen Subdirector de Xestión

A sección sindical de CIG-SAÚDE denuncia a eliminación do Subdirector de Xestión no hospital comarcal de Monforte de Lemos. Un paso mais na dependencia de Lugo, aseguran.

Hospital de Monforte. Foto cedida.

As competencias de Subdirección de Xestión pasan a levarse agora desde o HULA, “quedando Monforte sempre a expensas do que alí decidan”, aseguran desde a CIG-Saúde. Os únicos directivos que quedarán en Monforte, serán o Xerente Executivo e a Subdirectora de Enfermería.

A figura do Subdirector de Xestión, aparte de xestionar os cartos e as obras que se producen no hospital, era tamén a encargada do persoal non sanitario. Consideran desde a CIG que isto supón, que “calquera problema que xurda teremos que tratalo en Lugo ca dificultade que esto supón.”

Cando saiu o decreto de Xestión Integrada, a CIG Saúde anunciaba esta situación, que  unha das cousas que contemplaba era a desaparición das subdireccións de xestión dos hospitais comarcáis. “Chamáronnos alarmistas pero o final por desgracia cumpríuse o que nós deciamos”, aseguran desde a CIG Saúde.

DEIXAR UN COMENTARIO

Please enter your comment!
Please enter your name here