O Covid-auto chega a Monforte

O Sergas vén de anunciar que o dispositivo para os test rápidos de detección do coronavirus chega hoxe a Monforte. O dispositivo colocarase, previsiblemente, onde habitualmente se coloca a unidade móbil para resonancias. Para realizar os test hai que acudir con cita médica.

Hospital Monforte no estadeo alarma / XdL

Despois de que o Hospital Meixoiero de Vigo comezase, a pasada semana, a realizar estos test, o resto dos hospitais estaban á espera de saber cando comezar e, progresivamente, foise instaurando para chegar, hoxe, a hospitais comarcais como os de Monforte ou A Mariña, segundo informa o Sergas. Con esta medida preténdese “complementar e axilizar o sistema de recollidas de mostras a domicilio”, que incrementou a demanda nos últimos días.

Iván Sanz, director xerente do Hospital Comarcal de Monforte, confirmaba este martes en Onda Cero Monforte, que os test rápidos para o Covid-19 se comezan a facer hoxe pola tarde e insistiu en que é preciso, para facelo, ter unha cita médica.

Desde o Hospital Comarcal transmítese unha mensaxe de precaución e tranquilidade, aseguran, que se están tomando todas as medidas que marcan os protocolos e que, polo momento, a situación está baixo control. Tense habilitada a pranta de medicina interna para casos por coronavirus e a área de reanimación tense habilitada para coidados intensivos. Segundo as últimas informacións, non se presentaron casos novos de sanitarios deste centro hospitalario infectados con coronavirus. Os novos casos confirmados corresponden, principalmente, a persoas alleas ao Hospital que se infectaron fai días; pero aínda falta confirmación oficial. Unha falta de información que, moitas veces, tamén botan en falta os traballadores dos centros hospitalarios. Segundo a Consellería de Sanidade, a provincia de Lugo contabiliza este martes 34 casos máis, facendo un total de 97 casos confirmados.

Hospital Monforte no estado de alarma / XdL

Fóra do coronavirus, o Hospital Comarcal de Monforte reorganizou ao persoal para atender o resto de necesidades asistenciais, sobre todo, nos casos nos que as visitas ao Hospital son necesarias. Seguen facéndose analíticas, seguindo os protocolos; téñense establecidas limitacións de distancias nas cadeiras de espera das consultas; a cafetería permanece pechada porque as súas dimensións impedían dar o servizo de comida con garantías, e a farmacia do hospital está chamando ás persoas que periódicamente teñen que recoller aquí a súa medicación, para informalos de que proximamente lla levarán á casa, para que non se teña que desprazar ao Hospital.

Hospital Monforte no estado de alarma / XdL

1 COMENTARIO

  1. Neste xornal, estou lendo que no Hospital de Monforte, parece que se seguen a facer analíticas e que se segue a atender as persoas que teñen concertadas visitas por outras patoloxías; pois a verdade, é bastante tranquilizador para o resto da xente que de momento e por grande sorte ainda no lle tocou o virus, pero que sin embargo teñen outros problemas importantes: infartos, ictus, aneurismas …. É moi tranquilizador que neste Hospital tamén se pensa nas outras personas con outras patoloxías.

    Pero…¿qué pasa no noso Ambulatorio de Monforte?
    Resulta que somentes tiña que entregar un cultivo de orina de miña nai que ten unha infección, e a resposta do personal que alí se atopaba foi que tiñan órdenes de atender UNICA e EXCLUSIVAMENTE a xente que se presentara con síntomas de coronavirus, ou urxencias.

    Así que volta pra casa cos tubiños da mostra para o cultivo, e co correspondente cabreo por pensar que non lle mandaron ningún aviso a miña nai de que non se prestaba atención por iso….aunque claro, tamén podía miña nai que é maior con moitas capacidades reducidas chamar e preguntar antes … en fin!

    E a verdade…, non vin ningún stress no persoal do Centro…máis ben varias personas alí en corro falando sen prestarme atención, e en canto lles dixen ao que iba a cordialidade non se viu por ningures.

    Estou entendendo deste xeito que neste Centro de Saúde de Monforte ¿desatenderánse o resto de enfermedades crónicas….?

DEIXAR UN COMENTARIO

Please enter your comment!
Please enter your name here