InicioTerra de LemossanidadeA CIG Saúde demanda incrementar o Servizo de Admisión do Hospital de...

A CIG Saúde demanda incrementar o Servizo de Admisión do Hospital de Monforte

A Central Sindical CIG-SAÚDE no Hospital público de Monforte, demanda o incremento da plantilla do Servizo de Admisión Central do Hospital en dúas persoas.

Publicado o

- Advertisement -

Segundo o sindicato, o traballo neste servizo víuse incrementado cando se lle traspasaron funcións que se estaban a facer en Inspección de traballo, e mesmo no xulgado. Ao que se engade a reprogramación das citas por mor da COVID-19. Nesta situación ao persoal cústalle cada vez mais desenvolver as súas tarefas, segundo o sindicato.

Incremento nas cargas de traballo que agora ten este servizo:

  • Traballo que antes se facía en Inspección; Diálisis: Tramitar o papeleo e conseguir o transporte sanitario, Osíxeno: hai que entrar nun programa específico e entrevistar ao paciente, Ambulancias: Controlar si hai ambulancias pendentes de algún trámite, Logopedia: Localizar á xente e conseguir a cita, Cordales: Moas do xuizo que hai que enviar a Polusa e facer todos os trámites, Ondas de choque: Tramitarlle aos pacientes a posiblidade de ir a Lugo a facer este tratamento que non hai aquí.
  • Traballo engadido a maiores; Importación exportación de probas de imaxe(Bydicom), Creación da Historia Clínica na área sanitaria de Vigo dos residentes e do persoal das residencias de maiores da área de Monforte para pedir probas da COVID 19, IVE: Entrevista ás pacientes que teñen necesidade de interrumpir o embarazo e buscar o hospital onde poden acudir, Sacar listado de todas as consultas e engadir as pegatinas correspondentes, Programa contacnova: xente que pide o cambio on line de cita e que hai que atender, Rexistro de recén nados que antes facíase no xulgado.
  • Traballo que se viña facendo en Admisión habitualmente; Tramitación de probas a outros centros e comunicación da cita cando chega, Creación/ mantemento da axenda, horarios, bloqueos, reprogramacións (aumentou moitísimo por mor da COVID), Citas, buzóns, Quirófano de dermatoloxía: Listas de espera e mecanizar no ordenador, Creación de Historias Clínicas cando o paciente non a ten, e sacar as correspondentes pegatinas de toda a actividade que se fai a maiores, Traslados: Chamar a outros centros para saber si aceptan o traslado, SIFCO: Probas que se fan fóra da comunidade, Atención telefónica: Principalmente para dar citas, Programa QUERES: Atender as reclamacións que se fan no Hospital.

A CIG Saúde asegura que os traballadores se ven impotentes para facer todo o traballo, “tamén a xefa do servizo está botando unha man para sacar o traballo adiante, tendo asi que desatender algunha das súas funcións como xefa. Queremos salientar que o de pedir citar a pacientes de hoxe para mañá é unha práctica recurrente neste servizo o cal redunda nunha mala organización.”

Lembran que neste servizo hai uns anos se amortizou unha praza de auxiliar administrativo, co cal xa arrastra un déficit de persoal e insiten que despois da COVID-19 “quedou demostrado que nos hospitais hai un déficit de persoal enorme, este é un bo momento para empezar a mellorar as plantillas.”

ÚLTIMAS

Restauración da imaxe da Virxe dos Remedios da Ermida, en Quiroga

A imaxe da Virxe dos Remedios da Ermida está a sufrir unha importante restauración...

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...