Nesta escalada que están sufrindo a maioría de concellos da zona sur de Lugo, o Concello de Sarria aparecía este sábado con 122 casos positivos, e informaba o venres 22 de xaneiro que efectuadas probas PCR a traballadores e residentes da Residencia de Anciáns A nosa Señora do Carmen atopáronse que 47 dos anciáns deron positivo.
“Por fortuna 45 deles son asintomáticos, así que en principio continúase co plan de vacinación e a segunda dose será posta en plazo”, concretaban de forma oficial dende o concello engadindo tamén que “tomáronse as medidas oportunas para garantir a seguridade de todos e todas, acordadas polos Servizos Sociais e Sanidade e o Concelleiro encargado, Benjamín Escontrela”.
No final da nota informativa tamén se lles trasladaba unha mensaxe de agradecemento a todas as traballadoras e traballadores do centro asistencial.