O hospital de Monforte sen un médico rehabilitador e un pinche de cociña

A central sindical de CIG-SAÚDE no Hospital Comarcal de Monforte denuncia a supresión dunha praza de pinche de cociña por parte da dirección do centro e a marcha dun médico rehabilitador.

Hospital Comarcal de Monforte/G.M.

A CIG aclara que o traballo de pinche é moi repetitivo e que hai varios profesionais con postos adaptados por saúde laboral. Cren desde o sindicato que ao quitarlles unha praza, a carga de traballo será mais alta e haberá mais lesións.

A eliminación da praza de pinche, aseguran que se produce para liberar ao cociñeiro xefe das tarefas de cociña e pasalo a xefatura, contratanto a outro cociñeiro. Desde a CIG apuntan “Non estamos en contra de que o xefe de cociña teña só funcións de xefe, si estamos en contra de que sexa a costa doutro compañeiro, neste caso unha pinche”.

En canto ao médico rehabilitador aseguran que era un especialista xa asentado en Monforte que marchou por non terlle ofertado un contrato “decente”.  A CIG fala de desidia da dirección do hospital e cren que marcharán todos os médicos por contratos precarios, en lugar de facerlles contratos estables como reclama o sindicato. Engaden  “Vímonos de enterar tamén de que na OPE non vai vir o dixestivo prometido e o cardiólogo temos serias dúbidas de que se incorpore.”

DEIXAR UN COMENTARIO

Please enter your comment!
Please enter your name here