A resposta da Consellería de Sanidade recolle, literalmente: “Os traballadores e traballadoras do Hospital de Monforte contan coas ferramentas e recursos necesarios que contribúen a mellorar o desempeño do seu traballo.
Nos últimos anos produciuse un aumento importante en relación cos recursos humanos do hospital, ofrecéndose novos servizos e reforzando algúns xa existentes. Asimesmo, tamén se fixo inversión para mellorar a infraestrutura do hospital e os recursos materiais do mesmo.
No Hospital de Monforte analízanse as necesidades do centro diariamente, realizando as contratacións para dar a cobertura necesaria. A dirección do Centro, segundo a carga de traballo, pode dispor dun traballador/a excedente no seu servizo para cubrir un posto da súa categoría noutro servizo”.
Segundo En Marea, a Xunta non aposta por reforzar de xeito estrutural o persoal necesario e move persoal dun servizo a outro, estratexia insuficiente para En Marea, que asegura que o Hospital de Monforte precisa que se contrate de xeito estable o persoal necesario.