Obradoiro sobre saúde mental no IES Río Cabe de Monforte

A Asociación Albores Saúde Mental desenvolve hoxe neste centro de ensino a segunda acción formativa das 3 que están programadas.

IES Río Cabe de Monforte / XdL

Albores, no seu labor divulgativo sobre doenzas mentais, detención e tratamento precoz das mesmas na adolescencia está a organizar en diferentes centros de ensino do sur de Lugo obradoiros para concienciar sobre esta cuestión. Ademais do anterior resulta moi importante sensibilizar sobre a comprensión e a empatía respecto a estas enfermidades co cal tamén se traballa na mitigación do estigma asociado ás persoas que as padecen.

O obradoiro sobre saúde mental, que ten lugar hoxe no IES Río Cabe de Monforte e está dirixido a alumnos de 4º de ESO, contempla os seguintes contidos:

1-Conceptos básicos: saúde/trastorno mental, tipos de trastornos, características dos mesmos, causas.

2-Estereotipos e prexuízos presentes.

3-Empatía e estigma.

4-O que podes facer ti: como detectar sinais de alarma e achegarse aos recursos dispoñible.

Ao rematar o ciclo previsto de 3 obradoiros, o último será o día 3 de abril, este centro acollerá a II Exposición Fotoxénica-Mente. A mostra itinerante forma parte do contido das actuacións nos centros de ensino e complementa á formación citada.

DEIXAR UN COMENTARIO

Please enter your comment!
Please enter your name here