InicioMedio ambiente e PatrimonioO territorio Ribeira Sacra quere o triplete

O territorio Ribeira Sacra quere o triplete

O concello de Pantón acolleu este xoves, día 8 de agosto, a presentación oficial da candidatura da Ribeira Sacra para ser a sétima Reserva da Biosfera de Galicia.

Publicado o

- Advertisement -

O acto de presentación da candidatura contou coa Conselleira de Medio Ambiente, Ángeles Vázquez, quen subliñou “a importancia desta candidatura para reforzar e completar a protección dos elementos máis singulares que conforman o patrimonio natural galego e axudar a fomentar o respecto pola natureza”.

Neste sentido, Vázquez lembrou que Galicia “conta xa con seis reservas da biosfera” que representan un 25% do territorio, unha porcentaxe que coa inclusión desta sétima, se incrementaría ata o 34%. O documento oficial que avala a candidatura da Ribeira Sacra farase público este venres coa súa publicación no Diario Oficial de Galicia (DOG), polo que se abrirá un período dun mes para que calquera persoa ou entidade poida facer suxestións ou alegacións.

O seguinte paso, tras avaliar as posibles achegas dos usuarios, será remitir o documento á Secretaría do Comité Español do Programa MAB (Home e Biosfera) da Unesco, co obxectivo de lograr a súa declaración definitiva no 2021.

Se a candidatura prospera, a Ribeira Sacra estaría en disposición de obter un triplo recoñecemento por parte da Unesco, xa que se sumaría á declaración de Xeoparque das Montañas do Courel e ao posible distintivo de Patrimonio Mundial da Humanidade. O territorio que aspira a obter este recoñecemento de Reserva da Biosfera, comprendería a 23 concellos de Lugo e Ourense, incluíndo tamén as montañas de O Oribio e O Courel.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...