HomeMedio ambiente e PatrimonioAsí foi o pavoroso incendio de Monforte que pasou a Pantón: case...

Así foi o pavoroso incendio de Monforte que pasou a Pantón: case 500 hectáreas queimadas

O xoves pola noite desaloxaronse a algúns veciños de dous pequenos núcleos de poboación en Monforte e Pantón pola proximidade das lapas.

Publicado o

- Advertisement -

A Consellería de Medio Rural informou ao mediodía deste venres de que quedou controlado o incendio forestal rexistrado no municipio lucense de Monforte de Lemos, que devorou, polo momento, 465 hectáreas de terreo.

En concreto, o incendio máis importante do verán en Galicia, o de Monforte de Lemos, quedou controlado sobre as 13,48 horas e, segundo as últimas estimacións, afectou a unha superficie de 465 hectáreas. Na mañán deste venres, o rexedor monfortino destacaba a virulencia deste lume e apuntaba que xa estaba controlado.

As chamas, que comezaron ás 13,22 horas na parroquia de Seoane, estendéronse rapidamente ata alcanzar as 350 hectáreas de terreo e pasaron ao veciño municipio de Pantón. Sobre medianoite, o incendio quedou estabilizado, e foi controlado pouco antes das 14,00 horas deste venres.

Por precaución, ante a rapidez coa que se desenvolvía, o xoves optouse por desaloxar a algúns veciños de dous pequenos núcleos de poboación en Monforte e Pantón, que puideron volver ás súas casas horas despois. A maiores, o lume e o fume tamén afectou á circulación de varias estradas, que tiveron que ser cortadas.

Neste incendio traballan dous técnicos, oito axentes, 41 brigadas, 22 motobombas, cinco pas, 13 helicópteros e sete avións.

ÚLTIMAS

28 de xuño de exposición de conclusións da primeira fase do proxecto “O Courel destino e futuro”

O proxecto, exposto para afrontar o reto demográfico e as dificultades que ten o...

Reordenación do tráfico na rúa Doutor Casares de Monforte desde este 25 de xuño

Na actualidade atópase en execución a condución da tubaxe na rúa Doutor Casares, a...

Aberto o prazo para inscribirse no Campus de Verán do Incio

O Campus detínase a nenos e nenas de entre 3 e 16 anos con...

Piscinas ao aire libre e mellora do servizo da Unidade de Drogodependencias, demandas que Esperta Monforte presenta ao pleno

Esperta Monforte leva ao pleno deste luns unha moción para dotar dunha zona de...