InicioPolíticaOs socialistas de Pantón denuncian que o 22 de marzo só atendía...

Os socialistas de Pantón denuncian que o 22 de marzo só atendía no centro médico un facultativo

“Non podemos consentir que haxa un só medico para atender a preto de 2.500 veciños e veciñas. Non se pode vivir do conto e dos anuncios mediáticos anunciando que hai tres médicos no centro de saúde, e despois comprobamos que lamentablemente só hai un”, aseguran os socialistas.

Publicado o

POR
Redacción
- Advertisement -

A Agrupación Socialista de Pantón denuncia incumprimentos do PP e do Alcalde en relación ás novas prazas de médico no centro de saúde. Aseguran que o comprobaron o pasado de 22 de marzo cando só estaba exercendo un facultativo no centro médico. “Demandamos á Conselleira de Sanidade e ao Alcalde unha solución para que se cubra a praza e non seguir desatendidos”, sinalan.

A Agrupación Socialista amosa a súa preocupación “por estes recortes que nos parecen gravísimos”, e tamén porque unha vez máis “comprobamos que non se cumpren as promesas realizadas tanto pola Conselleira de Sanidade como pola propia Alcaldía, nas que remarcaron que se ían manter as tres prazas de médico asignadas en Pantón”, insisten.

“Un concello como o noso non pode permitirse o luxo de prescindir dun médico, e cada día que falte un sanitario imos a denuncialo publicamente para que se atendan as nosas demandas. É de xustiza”, din os socialistas.

Pola súa banda o alcalde de Pantón, José Luis Álvarez, asegura que no centro de saúde prestan servizo 3 facultativos os martes e xoves e dous o resto de días da semana, “Neste caso estaba un dos facultativos de vacacións, remata as vacacións e xa se incorpora”.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...