IniciosociedadeO aceite de Quiroga busca ter a etiqueta de biosaudable

O aceite de Quiroga busca ter a etiqueta de biosaudable

Segundo o rexedor local, as variedades que se cultivan no Val de Quiroga conteñen polifenoles e un deles é o maior antioxidante do mundo e un potente anticanceríxeno.

Publicado o

- Advertisement -

EFE.- O vindeiro luns, día 13, os produtores de aceite de Quiroga enviaranlle aos responsables da cátedra de Análises Químicas da Universidade de Córdoba, mostras da súa produción para determinar se a súa composición pode permitir o uso da etiqueta de produto Biosaudable, que autoriza a Unión Europea.

O alcalde fixo este anuncio no transcurso da presentación dunha nova edición da Mostra do Aceite de Quiroga, que se celebrará o vindeiro 12 de maio. “Imos mandar as mostras o luns. Solicitamos a colaboración da Universidade de Córdoba, dunha cátedra de Análise Química”, para coñecer pormenorizadamente as propiedades das variedades de oliva que se cultivan nesta zona da provincia de Lugo.

Segundo sinala o rexedor local, as variedades que se cultivan no Val de Quiroga son únicas no mundo e detectouse que o aceite que se elabora con elas “contén polifenoles”. Un deses parafenoles é, segundo apunta o rexedor local “o maior antioxidante do mundo” e un potente “anticanceríxeno”, polo que tanto o Concello como os produtores tratan de determinar, mediante esa colaboración coa Universidade de Córdoba, en que cantidade están presentes esas substancias no seu aceite.

O obxectivo é confirmar cientificamente que o aceite de Quiroga ten esa substancia na súa composición; co obxectivo de que a Unión Europa permita utilizar a etiqueta de biosaudable. Segundo Julio Álvarez, a presenza desas substancias xa foi confirmada nalgúns aceites, pero agora “trátase de comprobar se, efectivamente, está en toda a produción” do Val de Quiroga. En canto ao aceite, lembrou que os produtores xa implantaron “as novas tecnoloxías” no proceso de elaboración, co que conseguiron un produto dunha calidade extraordinaria.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...