O Concello de Sober decretou dous días de loito oficial pola morte de Santiago Durán, o piloto da avioneta contra incendios que o mércores despegou da base de Doade e cuxo corpo foi atopado na tarde do venres nunha zona de montaña de Porto de Sanabria (Zamora).
Segundo informa o Consistorio nas súas redes sociais, as bandeiras do edificio municipal xa ondean a media hasta. O alcalde de Sober, Luís Fernández Guitián, traslada no seu nome e no de toda a Corporación municipal o seu “máis sentido pesar” á familia do piloto sevillano e aos seus compañeiros da base de Doade.
Santiago Durán, orixinal de Gines (Sevilla) e pai de dous fillos, accidentouse o pasado mércores cando sobrevoaba a zona limítrofe entre Ourense e Zamora na súa viaxe de regreso de Sober a Córdoba. Os restos da aeronave e o seu corpo foron localizados á primeira hora da tarde do venres en Porto.