Trasladado ao Hospital de Ourense un operario tras caer dun tellado en Carballedo

Rescate en helicóptero dunha muller na Ruta da Castaña de Pobra do Brollón
Rescate en helicóptero / Xunta.gal

Un operario tivo que ser trasladado este domingo ao Complexo Hospitalario Universitario de Ourense (CHUO) despois de precipitarse do tellado no que traballaba en Carballedo.

En concreto, segundo informa o 112, o suceso ocorreu no lugar de Mundín. Ao redor das 14,30 horas da tarde un particular chamou ao servizo de emerxencias para solicitar asistencia sanitaria para un home que se caeu dun tellado do que limpaba os canlóns.

Seguidamente, o 112 puxo os feitos en coñecemento dos profesionais de Urxencias Sanitarias-061, que, debido ás lesións do traballador, mobilizaron ao helicóptero medicalizado ata o punto, ademais dunha ambulancia con persoal sanitario.

Tamén foron informados o Centro Integrado de Atención ás Emerxencias (CIAE) os axentes da Garda Civil e os membros de Protección Civil da localidade. Finalmente, tal e como confirmaron os servizos sanitarios confirmaron ao 112 Galicia, o ferido foi evacuado na ambulancia acompañado polo persoal facultativo ata o CHUO.

DEIXAR UN COMENTARIO

Please enter your comment!
Please enter your name here