Quiroga investigará matrículas de coches para denunciar posibles visitantes

O concello de Quiroga quere evitar as visitas durante esta Semana Santa, tal e como recolle o estado de alarma. Anuncia que multará aos vehículos que non teñen residencia habital no municipio.

Quiroga / Concello de Quiroga

A Policía Local de Quiroga investigará as matrículas dos coches para denunciar “aos visitantes” que se acheguen a este municipio da Ribeira Sacra mentres dure o estado de alarma, como unha medida máis para evitar “en todo o posible a proliferación do Covid-19”.

Segundo sinalan desde o concello “A partir de agora, a Policía Local encargarase de investigar as matrículas de todos os vehículos que non sexan habituais do noso municipio, que se atopen estacionados de forma prolongada en todo o territorio da súa competencia.”

Se os axentes da autoridade constatan que estes vehículos pertencen a persoas desprazadas que non teñan en Quiroga a súa residencia habitual, sen causa que xustifique a súa presenza no concello, antes e despois do decreto de confinamento, “serán denunciados por incumprir a normativa inherente ao estado de alarma decretado polo Goberno Nacional.” sinalan desde o concello.

DEIXAR UN COMENTARIO

Please enter your comment!
Please enter your name here