O PSOE esixe á Xunta que volva ofertar as materias optativas que non se están impartindo nos institutos de Chantada

Estas materias foron suprimidas por non chegar ao mínimo de alumnos esixido.

Entrada do IES Lama das Quendas de Chantada

O Grupo Parlamentario Socialista presentou na cámara galega unha proposición non de lei instando á Xunta a autorizar a oferta das materias de Grego I e Xeoloxía no IES Lama das Quendas de Chantada e no IES Val do Asma, que actualmente non se están impartindo.

Os centros contan con profesorado que podería impartir ambas materias, polo que non suporía en ningún caso un incremento no número de docentes. Na actualidade, os profesores están realizando gardas innecesarias en lugar de dar clases da súa especialidade.

A voceira do PSOE en Chantada, Raquel López Rodríguez denunciou que “os alumnos destes institutos de Chantada están sendo discriminados por parte da Xunta, escudándose en que non chegan ao número mínimo de alumnos para impartir ditas clases. Isto está provocando que os rapaces teñan que recibir clases doutras materias e no peor dos casos que se trasladen a estudar a centros doutros concellos para poder formarse nas materias que queren”

DEIXAR UN COMENTARIO

Please enter your comment!
Please enter your name here