Sanidade retirou do mercado todos os produtos da empresa Lácteos Casa Macán tras detectarse nas súas instalacións unha serie de incumprimentos “graves” que “non permiten garantir a seguridade” dos lácteos alí elaborados. En cambio, o director xeral desta queixería de Taboada, cre que a alerta sanitaria “non ten pés nin cabeza” e reduce a situación a un problema de etiquetaxe.

Eladio Regueira, director xeral, admite que hai un “problema estrutural” na empresa, pero “non para crear unha alarma sanitaria”, posto que “non hai risco alimentario” nos lácteos que producen. Podes ler a información completa no Lugo Xornal.