O Concello de Folgoso do Courel inaugura este xoves a súa área de autocaravanas no núcleo rural de Santa Eufemia, a poucos quilómetros da capitalidade municipal.
Coincidindo que a Asociación Galega de Autocaravanas (AGA) realiza este día a súa primeira saída do 2022 cunha ruta que fará parada no Courel, o Goberno local de Folgoso aproveitará para inaugurar o devandito espazo de estacionamento.
Tras a recepción dos participantes, preto de 40, haberá unha inauguración oficial da área de autocaravanas na que participará a rexedora, Lola Castro, ás 13:30 horas.
Os participantes nesta ruta aproveitarán a súa concentración no Courel para descubrir a zona e a súa gastronomía. Entre as actividades que teñen previsto realizar, destaca a visita guiada a unha alvariza e unha andaina para coñecer a ruta da Devesa da Rogueira. Mañá venres, sairán xa pola tarde cara O Incio.