Vaia troita!

Un pescador capturou unha troita de case catro quilos no Río Lor.

Pescantín ensinando a captura / Cedida por Óscar Rodríguez

Había tempo que este río do sur de Lugo non daba noticias deste alcance, pero chegou unha boa oportunidade coa captura dunha troita de 3.700 gramos no día de onte.

O afortunado foi o pescantín Óscar Rodríguez Prado, con vínculos familiares en Sober e felicitado polo propio concello o pasado luns. A peza foi pescada en augas do Río Lor e a imaxe coa troita correu polas redes sociais ata converterse en noticia en diferentes medios de prensa.

O Río Lor tivo sempre boa sona polas anguías e as troitas, e na zona da Labrada -A Pobra do Brollón- sempre houbo tradición de ir pescar e tamén comer estes dous peixes que abondaban nas súas frías augas. Hoxe en día os establecementos hostaleiros cóntanse cos dedos dunha man e, como din na zona, aqueles tempos de abundancia e boa pesca pasaron á historia.

Tirando de tradición ‘troiteira’ o pasado mes de maio, na poboación quiroguesa de San Xulián, celebraban a XI edición da Festa da Troita.

DEIXAR UN COMENTARIO

Please enter your comment!
Please enter your name here