HomeDeportesMellora do campo de fútbol San Martiño en Quiroga

Mellora do campo de fútbol San Martiño en Quiroga

O Secretario Xeral para o Deporte, José Ramón Lete Lasa e o xefe provincial de deportes de Lugo, Manolo Cadramón, visitaron na mañá deste luns, 27 de decembro, as obras do campo de fútbol San Martiño acompañados do alcalde de Quiroga, Julio Álvarez, e o concelleiro de deportes, Andrés Novoa.

Publicado o

POR
Redacción
- Advertisement -

O proxecto de mellora que se realizou nesta instalación municipal que se construíu nos anos oitenta, inclúe a remodelación da herba do terreo de xogo, a substitución do sistema de rega actual por un máis moderno e automatizado e o replantado do terreo con herba natural. A Xunta de Galicia, a través da Secretaría Xeral para o Deporte, achegou 38.715 € para esta mellora, que coa aportación do concello roldou os 50.000 €.

Aínda que con labores de mantemento habitualmente, o campo do San Martiño non acollía grandes remodelacións dende hai unha década cando se construíron os novos vestiarios, acondicionáronse as gradas e asfaltouse o aparcamento.

Paralelamente a esta mellora do campo de xogo, tamén se acondicionou o campo de adestramento coa colocación dunha capa de terra vexetal e a sementa de céspede. O proxecto incluía tamén a roza e retirada de maleza e a retirada de escombros dunha cancha demolida. Ademais traballouse no peche do recinto co levantamento dun muro de bloque e a colocación dunha rede, con achegas do Plan Único.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...