140.000 euros da Consellería de Cultura para a restauración da igrexa de Santa Cruz do Incio

A igrexa, obra do arquitecto José Luis Fernández del Amo, inaugurouse  no 1963 cando estaba inconclusa; coas obras que agora se acometerán remataranse os traballos, como as escaleiras de acceso ao campanario.

Igrexa de Santa Cruz do Incio / Consellería de Cultura

A Consellería de Cultura ven de entregar no concello do Incio a solicitude de licenza de obra, co obxectivo de facer a licitación cara finais de ano. Unha parte do proxecto está destinada a finalizar partes da obra que quedaron sen rematar, como o interior da torre do campanario.

Realizaranse, tamén, tarefas de reposición e mantemento, como a substitución da lousa, introducindo agora unha serie de capas intermedias illantes que melloren as condicións térmicas e de confort; e acometeranse labores de saneamento para resolver o problema das humidades procedentes do terreo. No acceso eliminaranse as barreiras arquitectónicas.

O proxecto de restauración pretende, ademais, recuperar a esencia orixinal da igrexa, deseñada polo arquitecto José Luis Fernández del Amo, importante figura da historia recente da arquitectura española. Para iso, actuarase nas carpinterías, pavimentos, eliminarase o cabreado eléctrico e outras instalacións que atravesan a fachada.

DEIXAR UN COMENTARIO

Please enter your comment!
Please enter your name here