Monforte celebra a súa Feira do Libro do 28 ao 31 de agosto

A XXII Feira do Libro de Monforte abrirá o vindeiro 28 de agosto pola tarde, co pregón de Olga Novo, e poderá visitarse ata o sábado 31 en horario de 11 a 14 horas e de 19 a 22 horas. Serán catro xornadas de actividades nas que o público asistente poderá gozar de presentacións de libros, actividades infantís e sinaturas das obras por parte dos seus autores.

Feira Libro Monforte / jrcasan.com

Esta edición da feira inaugúrase o mércores 28 ás 19 horas co pregón a cargo da poetisa da Pobra do Brollón, Olga Novo, e a actuación da Banda de Gaitas de Monforte. Ese mesmo día vaise presentar Feliz Idade, da propia Olga Novo, por Faktoria K de libros.

O xoves 29 ás 19 horas, haberá tres presentacións destacadas: ás 19 horas, Estrelas de Manteiga de Isabel Porto Collazo, por Sar Alejandría; ás 20 horas terá lugar a presentación da Guía del Camino de Invierno a Santiago, de Aida Menéndez; é ás 21 horas, Relatos de 70 mm, cos autores Margarita Rodríguez Otero, Fernándo Hernández e Sandra R. Fernández, así coma o prologuista e editor da editorial El Sendero, José Luis Ordoñez.

O venres 30 terá lugar ás 19 horas un concerto-presentación para os máis pequenos da casa A nena e o grilo, máis aló, con Magín Blanco(Galaxia). Ás 20 h, a presentación de Contodamina, de Rafa Lobelle(Chan de Pólvora). E ás 21 h, O lugar que non hai, de Estevo Creus(Chan de Pólvora).

A feira rematará o sábado 31. Ese día tamén terán lugar varias presentacións: ás 12 horas, Bailando sobre el parqué de Óscar Quant (editorial Milenio); ás 13 horas, Actrices secundarias de Clara do Roxo (editorial Elvira); ás 19 horas, concerto-presentación de Cantamos de Luís Vallecillo (Guindastre Edicións); e ás 20 horas, presentación de Soños de chicolate de Antón Valcarce(Agrasar Editores).

DEIXAR UN COMENTARIO

Please enter your comment!
Please enter your name here