VÍDEO: Bibliotecarias do sur de Lugo celebran o “Día Internacional do libro”

As responsables das bibliotecas públicas municipais de Chantada, O Saviñao e Sober participan nun vídeo, xunto con outras 28 bibliotecarias/os de Galicia, para conmemorar o Día Internacional do Libro.

Biblioteca Municipal do Saviñao. Fonte: Blogue "A Maxia do Saviñao e Galiza"

Aínda que as Bibliotecas públicas municipais galegas non estean abertas ao público, as/os responsables das mesmas están a traballar igualmente e de xeito colaborativo para fomentar a lectura entre a cidadanía.

Dende o comezo da corentena puxeron en marcha a iniciativa #HoraDoConto, coa que de luns a venres, ás 17:00 h., recomendan a lectura dun conto dende as redes sociais do concello ao que pertencen. Cada día tócalle a unha facer esa recomendación, animando a ler en diferentes formatos, xéneros e linguas.

Ademais desta iniciativa, para este 23 de abril fixeron un vídeo colaborativo no que conmemoran o Día Internacional do Libro intercambiando libros dende as súas casas simbolizando o traballo cooperativo mentres de fondo soa a música de Migallas e Guadi Galego.

As bibliotecas do sur de Lugo que se animaron a participar no vídeo son a de Chantada, O Saviñao e Sober.

 

 

DEIXAR UN COMENTARIO

Please enter your comment!
Please enter your name here