Do 17 ao 19 de setembro a música e a cultura protagonistas en Sober

Para os concertos de Luar na Lubre, A Roda e Os Satélites é necesario reservar entrada na Oficina Municipal de Turismo.

Concello de Sober. Fonte: Concello

O concello de Sober desenvolve unha ampla programación cultural para a segunda quenda do mes de setembro. O 17 de setembro a partir das 22.00 horas actuará na praza do concello, Luar na Lubre.

O 18 de setembro contarase ás 11.30 cun concerto na praza do concello da Asociación cultural O Castro e nesa mesma xornada ás 19.00 na praza do Toural haberá unha cita de narración oral con Asdomare. A xornada do día 18 completarase coa actuación de música folk do Fiadeiro, ás 9.00 na praza do concello e ás 22.00 no mesmo escenario actuará A Roda.

Xa o día 19 ás 11.30 actuará na praza do concello a Banda de Música de Sober. Ás 19.00 na praza do Toural contarase co concerto singular de Piscore e ás 22.00 actuará na praza do concello a orquestra Os Satélites.

DEIXAR UN COMENTARIO

Please enter your comment!
Please enter your name here