A finalidade deste certame é que se poñan de manifesto, de xeito crítico e humorístico, os feitos sucedidos durante o ano, preferentemente en Sober.
Pode participar calquera persoa, independentemente da súa idade, a título individual ou colectivo. As coplas irán representadas en estrofas en verso e o contido debe ter unha boa carga crítica, sobre todo municipal, pero sempre dentro do respecto. Os traballos terán que facer referencia a acontecementos de actualidade.
O prazo de presentación será ata o martes 19 de febreiro e os traballos pódense entregar na Biblioteca Pública Municipal de Sober ou no propio concello.
Os tres mellores traballos levarán un premio en metálico valorado en 200 euros, 100 euros e 50 euros respectivamente. A entrega dos mesmos será o sábado 2 de marzo no XIII Baile da Cachucha.
A participación no concurso supón a aceptación de todas e cada unha destas bases, mentres que a decisión do xurado será inapelable.
