Imos ao teatro?

A concelleira de Cultura de Monforte, Marina Doutón, e os representantes dos centros educativos da cidade veñen de pechar o calendario de actuacións do XXVIII Certame Municipal de Teatro para centros de ensinode Monforte.

Salón de actos casa da cultura / Concello de Monforte

O Certame desenvolverase entre o 25 de abril e o 9 de maio, no salón de actos da Casa da Cultura Poeta Lois Pereiro, sempre en horario de 20:00 h.

A entrega de premios terá lugar no Salón de Actos da Casa da Cultura Poeta Lois Pereiro o 13 de maio ás 18:00 h.

As obras e os días de representación son:

  • CEIP de Monforte: “A unión fai a Terra”, 25 de abril de 2019
  • IES A Pinguela: “Lingua de lata”, 26 de abril
  • Colexio P. Ferroviario: “Bar Manolo”, 29 de abril
  • CEE  Infanta Elena: “Salvemos a la Luna”, 2 de maio
  • CEIP A Gándara: “Tras a pegada do Principiño”, 6 de maio
  • Asociación Prodeme: “Un funeral para morrer de risa”, 8 de maio
  • Colexio PP. Escolapios: “Cásate cun mariñeiro”, 9 de maio
Programación Certame Municipal de Teatro / Concello de Monforte

Rede Galega de Teatros e AuditorioS

Este xoves, 11 de abril ás 20:15 horas desenvolverase representación teatral da Rede Galega de Teatros e Auditorios. Malasombra Producións porá en escena, “O caso é ter saúde”. A cita será no edificio multiusos con entrada de 5 euros, mentres que para estudantes, desempregados e xubilados será de tres euros.

 “O caso é ter saúde” é obra de José Prieto, e está dirixida por Marcos Orsi e interpretada por Jouse García, Xoque Carbajal, Patricia Rodríguez Souto, Celia González e Carlos Mosquera. Dende o humor,  “O caso é ter saúde” fala da condición humana, da súa ambición polos cartos, e de todo o que a xente é capaz de facer con tal de conseguir o devecido diñeiro.

DEIXAR UN COMENTARIO

Please enter your comment!
Please enter your name here